28.1 C
Bhubaneswar
Friday, July 30, 2021

ଡିଜିଟାଲ ପ୍ଲାଟଫର୍ମରେ ଯୋଡ଼ିହେଲେ ବିଜେପି କାର୍ଯ୍ୟକର୍ତ୍ତା

Must read

ବାଲେଶ୍ୱର,୯ା୬(ନି.ପ୍ର): କେନ୍ଦ୍ର ସରକାରଙ୍କ ଦ୍ୱିତୀୟ ପାଳିର ପ୍ରଥମ ବର୍ଷ ପୂର୍ତ୍ତି ଅବସରରେ ବିଜେପି ପକ୍ଷରୁ ଆୟୋଜିତ ଜନ ସମ୍ବାଦ ରାଲିରେ ଯୋଗ ଦେଇ କେନ୍ଦ୍ର ଗୃହମନ୍ତ୍ରୀ ଅମିତ ସାହା ଡିଜିଟାଲ ପ୍ଲାଟଫର୍ମ ଜରିଆରେ ରାଜ୍ୟବାସୀଙ୍କୁ ଆଜି ସମ୍ବୋଧିତ କରିଛନ୍ତି । ମହାମାରୀ କରୋନା ସଂକ୍ରମଣକୁ ଦୃଷ୍ଟିରେ ରଖି ଏଭଳି ଡିଜିଟାଲ ପ୍ଲାଟଫର୍ମ ମାଧ୍ୟମରେ ସମାବେଶ ପାଇଁ ବିଜେପି ପକ୍ଷରୁ ନିଷ୍ପତି ନିଆଯାଇଛି । କେନ୍ଦ୍ରମନ୍ତ୍ରୀଙ୍କ ବାର୍ତ୍ତାକ ଜନସାଧାରଣଙ୍କ ନିକଟରେ ପହଞ୍ଚାଇବା ଓ ତାଙ୍କ ସହ ଯୋଡ଼ିହେବା ପାଇଁ ଦଳ ପକ୍ଷରୁ ଜିଲ୍ଲାଠାରୁ ବୁଥ୍ ପର୍ଯ୍ୟନ୍ତ ପଦକ୍ଷେପ ନିଆଯାଇଛି । ଏନେଇ ବିଭିନ୍ନ ସ୍ଥାନରେ ଡିଜିଟାଲ ଷ୍ଟେଜ୍ ଆୟୋଜନ କରାଯିବା ସହ ଦଳୀୟ କର୍ମକର୍ତ୍ତା ଓସଦସ୍ୟମାନେ ସମାବେଶ ହୋଇଥିବା ଦେଖିବାକୁ ମିଳଥିଲା । ଏହି ପରିପ୍ରେକ୍ଷୀରେ ବିଜେପି ପକ୍ଷରୁ ସହରର ଭେନ୍ୟା ପରାଡାଇଜ୍ କଲ୍ୟାଣମଣ୍ଡପରେ ଅନୁଷ୍ଠିତ କାର୍ଯ୍ୟକ୍ରମରେ ଜିଲ୍ଲା ସଭାପତି ଉମାକାନ୍ତ ମହାପାତ୍ର, ବରିଷ୍ଠ ବିଜେପି ନେତା ଶୁଭଙ୍କର ମହାପାତ୍ର, ଲମ୍ବୋଦର ନାୟକ, ହରେକୃଷ୍ଣ ଦାଶ, ଯୁବମୋର୍ଚ୍ଚା ରାଜ୍ୟ ସଂଯୋଜକ ପ୍ରବୀର ଶଙ୍କର ଦାଶ, ଜୋନାଲ ମିଡିଆ ସଂଯୋଜକ ସତ୍ୟଜିତ୍ ମିଶ୍ର, ନାରୀନେତ୍ରୀ ସୁଷମା ବିଶ୍ୱାଳ, କମଳା ବିନ୍ଧାଣୀ, ସିପ୍ରା ବାଜପେୟୀ ପ୍ରମୁଖ ଯୋଗଦେଇ ବିଭିନ୍ନ ସାମାଜିକ ଗଣମାଧ୍ୟମ ଜରିଆରେ କେନ୍ଦ୍ରମନ୍ତ୍ରୀଙ୍କ ଭର୍ଚୁ୍ୟଆଲ ରାଲି ସହ ଯୋଡ଼ି ହୋଇଥିଲେ । ମିଡିଆ ସେଲ୍ ସଂଯୋଜକ ଶ୍ରୀନିବାସ ପ୍ରଧାନ ଓ ଚନ୍ଦ୍ରଶେଖର ନନ୍ଦଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ବାଲେଶ୍ୱରରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା । ଦ୍ୱିତୀୟ ପାଳିର ପ୍ରଥମ ବର୍ଷରେ ସରକାର ରାଷ୍ଟ୍ରର ହିତପାଇଁ ନେଇଥିବା ବିଭିନ୍ନ ଗୁରୁତ୍ୱପୂର୍ଣ୍ଣନିଷ୍ପତି ଓ କାର୍ଯ୍ୟକାରୀ କରିଥିବା ଏକାଧିକ ଲୋକାଭିମୁଖୀ ଯୋଜନା ସମ୍ପର୍କରେ କେନ୍ଦ୍ରମନ୍ତ୍ରୀ ଶ୍ରୀ ସାହା ହିସାବ ଦେଇଥିଲେ । ଜିଲ୍ଲା ବିଜେପିର କାର୍ଯ୍ୟକର୍ତ୍ତମାନେ ବିଭିନ୍ନ ସୋସିଆଲ ମିଡିଆ ଜରିଆରେ କେନ୍ଦ୍ରମନ୍ତ୍ରୀ ଶ୍ରୀ ସାହାଙ୍କର ବାର୍ତ୍ତାକୁ ଜିଲ୍ଲାବାସୀଙ୍କ ନିକଟରେ ପହଞ୍ଚାଇବା ପାଇଁ ଉଦ୍ୟମ ଜାରି ରଖିଥିବା ଲକ୍ଷ୍ୟ କରାଯାଇଥିଲା ।

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article