28.1 C
Bhubaneswar
Friday, July 30, 2021

୪ ପିକଅପ୍ ଭ୍ୟାନ୍ ଜବତ: ୩ ଗିରଫ

Must read

ବାଲେଶ୍ୱର,୧୫ ।୩(ନି.ପ୍ର): ଆନ୍ତଜିଲ୍ଲା ଚାରିଚକିଆ ଗାଡ଼ି ଚୋରୀ ର୍ୟାକେଟ୍କୁ ଠାବ କରିବାରେ ସଫଳ ହୋଇଛି ବାଲେଶ୍ୱର ଶିଳ୍ପାଞ୍ଚଳ ଥାନା ପୁଲିସ । ଗୋଟିଏ ଚୋରୀ ଗାଡ଼ିକୁ ଖୋଜୁ ଖୋଜୁ ଶିଳ୍ପାଞ୍ଚଳ ଥାନା ପୁଲସି ଟିମ୍ ୪ ଗୋଟି ଗାଡ଼ି ଜବତ୍ ସହ ଏହି ର୍ୟାକେଟ୍ରେ ସମ୍ପୃକ୍ତ ୩ ଜଣ ଅଭିଯୁକ୍ତଙ୍କୁ ଗିରିଫ କରିଛି । ଗିରଫ ଅଭିଯୁକ୍ତମାନେ ହେଲେ ରେମୁଣା ଥାନା ଅନ୍ତର୍ଗତ ହରିପୁର ସଲାମତ ଖାନ୍ଙ୍କ ପୁତ୍ର ସୁକ ଓରଫ୍ ସୁରଜ୍ ଖାନ୍, ମୟୂରଭଂଜ ଜିଲ୍ଲା ବଡ଼ସାହି ଅଞ୍ଚଳର ଶେଖ୍ ହଲିମ୍ଙ୍କ ପୁତ୍ର ବାବୁଲ ଓରଫ୍ ଶେଖ୍ ହସିମ୍ ଓ ବେତନଟି ଅଞ୍ଚଳର ସୁଦର୍ଶନ ମହନ୍ତଙ୍କ ପୁତ୍ର ଡାକ୍ତର ଓରଫ ଶଶାଙ୍କ ଶେଖର ମହନ୍ତ ।

ତେବେ ଏହି ର୍ୟାକେଟ୍ର ମାଷ୍ଟର ମାଇଣ୍ଡ ତଥା ମୁଖ୍ୟ ଅଭିଯୁକ୍ତ ସୁରଜ୍ ଖାନଙ୍କ ଦୁଇ ସହଯୋଗୀ ରେମୁଣା ଥାନା ଅନ୍ତର୍ଗତ ହରିପୁର ଅଞ୍ଚଳର ମୋହିନି ଖାନ୍ଙ୍କ ପୁତ୍ର କଲିମ୍ ଖାନ୍ ଓ ଗନିପୁର ଅଞ୍ଚଳର ଶେଖ୍ ଉସମାନ୍ଙ୍କ ପୁତ୍ର ଶେଖ୍ ସରଫତ୍ ଫେରାର ଥିବା ଶିଳ୍ପାଞ୍ଚଳ ଥାନାଧିକାରୀ ପରେଶ ଚନ୍ଦ୍ର ରାଉତ ଆୟୋଜିତ ଏକ ସା ମ୍ବାଦିକ ସମ୍ମିଳନୀରେ ଆଜି ସୂଚନା ଦେଇଛନ୍ତି । ପୁଲିସର ସୂଚନା ଅନୁସାରେ ଗତ ୩ ତାରିଖରେ ରେମୁଣା ଗଣେଶ୍ୱରପୁର ଅଞ୍ଚଳର ଲଡ଼ୁ କିଶୋର ସାହୁଙ୍କ ପୁତ୍ର ଦିଲ୍ଲୀପ ସାହୁଙ୍କର ଏକ ଚାରିଚକିଆ ଗାଡ଼ି ସ୍ଥାନୀୟ ସିଦେ୍ଧଶ୍ୱର କଲୋନିରୁ ଚୋରି ହୋଇଯାଇଥିବା ନେଇ ସେ ଶିଳ୍ପାଞ୍ଚଳ ଥାନାରେ ଏତଲା ଦେଇଥିଲେ । ଏହି ଏତଲାକୁ ଭତି କରି ପୁଲିସ ୩୬/୨୦୨୦ ନଂର ମାମଲା ରୁଜୁ ସହ ତଦନ୍ତ ଆର ମ୍ଭ କରିଥିଲା ।

ବାଲେଶ୍ୱରରୁ ଚୋରି ଗାଡ଼ି ପଡ଼ୋଶୀ ମୟୂରଭଂଜ ଜିଲ୍ଲାର ବଡ଼ସାହି ଓ ବେତନଟୀ ଅଞ୍ଚଳରେ ବିକ୍ରି କରାଯାଉଥିବା ପୁଲିସ ଅନୁସନ୍ଧାନରୁ ଜାଣିବାକୁ ପାଇଥିଲା । ସେହିକ୍ରମରେ ତନାଘନା ପରେ ବିଶ୍ୱସ୍ତ ସୂତ୍ରରୁ ଖବର ପାଇ ଶିଳ୍ପାଞ୍ଚଳ ପୁଲିସ ଟିମ୍ ମୁଖ୍ୟ ଅଭିଯୁକ୍ତ ସୁରଜ ଖାନ୍କୁ ପ୍ରଥମେ ଗିରଫ କରିଥିଲା । ତାକୁ ପଚରାଉଚୁରା ପରେ ଗାଡ଼ି ଚୋରୀ ର୍ୟାକେଟ୍ରେ ତାର ଦୁଇ ସହଯୋଗୀ ଓ ଚୋରାଗାଡ଼ି କିଣି ତାର ହୁଲିଆ ବଦଳ କରି ଅନ୍ୟତ୍ର ବିକ୍ରି କରୁଥିବା ବେତନଟୀ ତଥା ବଡ଼ସାହି ଅଞ୍ଚଳର ଦୁଇ ଗ୍ୟାରେଜ୍ ମାଲିକଙ୍କ ସମ୍ପର୍କରେ ପୁଲିସ ଜାଣିବାକୁ ପାଇଥିଲା ବୋଲି ଥାନାଧିକାରୀ ସୂଚନା ଦେଇଛନ୍ତି ।

ବିଶେଷ କରି ବାଲେଶ୍ୱରରୁ ଗାଡ଼ି ଚୋରି କରି ସୁରଜ ଓ ତାର ଦୁଇସାଥି ବଡ଼ସାହି ଓ ବେତନଟୀର ବାବୁଲା ଓ ଡାକ୍ତରକୁ ସ୍ୱଳ୍ପ ମୂଲ୍ୟରେ ବିକ୍ରି କରିଥାନ୍ତି । ସେହି ଚୋରି ଗାଡ଼ିର ରଙ୍ଗ, ନ ମ୍ବର ପ୍ଲେଟ୍ ଓ ଇଂଜିନ୍ ତଥା ଚେଚିସ୍ ନ ମ୍ବର ଆଦି ବଦଳାଇ ସେମାନେ ତାହାକୁ କାଠ ମାଫିଆଙ୍କୁ ପ୍ରକୃତ ମୂଲ୍ୟଠାରୁ କମ୍ ଦରରେ ବିକ୍ରି କରିଦେଇଥାନ୍ତି ବୋଲି ଗିରିଫ ଅଭିଯୁକ୍ତମାନେ ମାନିଯାଇଥିବା ପୁଲିସ ପ୍ରକାଶ କରିଛି । ଅନ୍ୟପକ୍ଷରେ ଅଦ୍ୟାବଧି ସିଦେ୍ଧଶ୍ୱର କଲୋନିରୁ ଦିଲ୍ଲୀପ ସାହୁଙ୍କ ଚୋରି ଗାଡ଼ି ମିଳିନଥିଲେ ବି ଗ୍ୟାରେଜ୍ରେ ହୁଲିଆ ପରିବର୍ତନ ପାଇଁ ରହିଥିବା ଅନ୍ୟ ୪ ଗୋଟି ପିକ୍ଅପ୍ ଭ୍ୟାନ୍କୁ ପୁଲିସ ଜବତ୍ କରିଛି । ତେବେ ଏହି ର୍ୟାକେଟ୍ରେ ଫେରାର ଥିବା ସୁରଜ୍ ଖାନ୍ର ଦୁଇ ସହଯୋଗୀଙ୍କୁ ଖୁବ୍ଶୀଘ୍ର ଗରିଫ କରାଯିବ ବୋଲି ଥାନାଧିକାରୀ ଶ୍ରୀ ରାଉତ ପ୍ରକାଶ କରିଛନ୍ତି

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article