25 C
Bhubaneswar
Thursday, April 15, 2021

ବରିଷ୍ଠ ନାଗରିକ ଫୋରମ୍ର ବାର୍ଷିକ ଉତ୍ସବ

Must read

ଜଗତସିଂହପୁର,୧୪ ।୩(ନିପ୍ର): ଶୁକ୍ରବାର ଜଗତସିଂହପୁର ଜିଲ୍ଲା ବରିଷ୍ଠ ନାଗରିକ ଫୋରମ୍ର ତୃତୀୟ ବାର୍ଷିକ ଉତ୍ସବ ଓ ନୁତନ କର୍ମକର୍ତା ଚୟନ ସ୍ଥାନୀୟ ଖେରସ ଗ୍ରାମସ୍ଥିତ ମାନ୍ତଚର୍ଚ୍ଚିକା ମନ୍ଦିର ପ୍ରାଙ୍ଗଣରେ ଅନୁଷ୍ଠିତ ହୋଇଯାଇଛି । ଫୋରମ୍ର ସଭାପତି ଗୌରାଙ୍ଗ ଚରଣ ହୋତାଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ ଜଗତସିଂହପୁର ସଦର ଥାନା ଆଇ.ଆଇ.ସି ରଜନୀକାନ୍ତ ମିଶ୍ର ଯୋଗ ଦେଇ, ବରିଷ୍ଠ ନାଗରିକ ମାନଙ୍କ ନିମନ୍ତେ ଥିବା ସୁବିଧା ସୁଯୋଗ ଓ ବରିଷ୍ଠ ନାଗରିକ ଆଇନ ନ୍ୟାୟ ସମ୍ପର୍କରେ ଆଲୋଚନା କରିଥିଲେ ଏଥି ସହିତ ସେ ବରିଷ୍ଠ ନାଗରିକ ମାନଙ୍କ ସହିତ ଭାଇ ଭାଇ ପରି ସୁସମ୍ପର୍କ ସ୍ଥାପନ କରିବା ଓ ଭାବର ଆଦାନ ପ୍ରଦାନ କରି ସୁବିଧା ଅସୁବିଧା ସମ୍ପର୍କରେ ବୁଝିବା ନିମନ୍ତେ ସେ ପୌର ପରିଷଦର ପ୍ରତ୍ୟେକ ୱାର୍ଡକୁ ଗସ୍ତ କରି ୱାର୍ଡରେ ଆଲୋଚନା କରିବା ପାଇଁ ମନସ୍ତ କରିଥିବା ସୁଚନା ପ୍ରକାସ କରିଥିଲେ ।

ଆଇ.ଆଇ.ସିଙ୍କ ପଦକ୍ଷେପକୁ ଉପସ୍ଥିତ ୨୦୦ରୁ ଉର୍ଦ୍ଧ ବରିଷ୍ଠ ନାଗରିକ ମାନେ ସ୍ୱାଗତ ଜଣାଇ ଉତ୍ସାହିତ ହୋଇଥିଲେ । ପରେ ଫୋରମ୍ର ସମ୍ପାଦକ ବସନ୍ତ କୁମାର ରାଉତ୍ ବାର୍ଷିକ ବିବରଣୀ ପାଠ କରିବା ସହିତ କୋଷାଧ୍ୟକ୍ଷ ଆୟବେୟ ସମ୍ପର୍କରେ ଫୋରକୁ ଅବଗତ କରାଇ ଥିଲେ । ପରେ ନୁତନ କର୍ମକର୍ତା ଚୟକ କରାଯାଇ ଥିଲା । ଫୋରମର ସଭାପତି ଗୌରାଙ୍ଗ ଚରଣ ହୋତା, ସମ୍ପାଦକ ବସନ୍ତ କୁମାର ରାଉତଙ୍କ ପଦବି ଅପରିବର୍ତିତ ରଖା ଯାଇଥିବା ବେଳେ ଉପ-ସଭାପତି ଭାବେ ମଧୁ ସୁଦନ ସାହୁ ଓ ବୈକୁଣ୍ଠନାଥ ମହାପାତ୍ର, କୋଷାଧ୍ୟକ୍ଷ ଭାବେ ଟୁକୁନି ମଲ୍ଲିକଙ୍କୁ ନୁତନ କର୍ମକର୍ତା ଭାବେ ଚୟନ କରାଯାଇ ଥିଲା ।

ଏହି ଉତ୍ସବ ଅବସରରେ ୨୭ଜଣ ନୁତନ ବରିଷ୍ଠ ନାଗରିକ ମାନଙ୍କୁ ଜିଲ୍ଲା ଅରକ୍ଷୀ ଅଧିକ୍ଷକଙ୍କ ଦ୍ୱାର ପ୍ରଦତ ବରିଷ୍ଠ ନାଗରିକ ପରିଚୟ ପତ୍ର ମୁଖ୍ୟ ଅତିଥି ପ୍ରଦାନ କରିଥିଲେ । ଯାହାଫଳରେ ଫୋରମରେ ବରିଷ୍ଠ ନାଗରିକ ଭାବେ ପରିଚୟ ପତ୍ର ପାଇଥିବା ସଂଖ୍ୟା ୧୮୦କୁ ବୃଦ୍ଧି ପାଇଥିବା ଫୋରମ ସଭାପତି ଶ୍ରୀ ହୋତା ସୂଚନା ପ୍ରଦାନ କରିଛନ୍ତି । ପରେ ଖୁବ୍ ଶିଘ୍ର ଫୋରମ ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ରଙ୍କୁ ଭେଟି ସେମାନଙ୍କ ସମସ୍ୟା ସମ୍ପର୍କରେ ଅବଗତ କରାଇବା ସହିତ ବିଭିନ୍ନ ସମୟରେ ସାମାଜିକ ସେବା ଓ ଜନ କଲ୍ୟାଣ ପାଇଁ ଆବଶ୍ୟତା ପଡୁଥିବା ହ୍ୟାଣ୍ଡ ପାୱାରରେ ବରିଷ୍ଠ ମାନଙ୍କ ସୁଯୋଗ ଦେବା ପାଇଁ ଦାବି ଜଣାଇବେ ବୋଲି ସର୍ବସମ୍ମତି ଭାବେ ପ୍ରକାସ ପାଇଥିଲା । ଶେଷରେ ନବ ନିର୍ବାଚିତ ଉପସଭାପତି ଶ୍ରୀ ସାହୁ ସମସ୍ତଙ୍କୁ ଧନ୍ୟବାଦ ଜଣାଇ ସଭା ସାଙ୍ଗ କରିଥିଲେ

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article