28.1 C
Bhubaneswar
Friday, July 30, 2021

କର୍ଣ୍ଣାଟକରେ ସପିଂମଲ୍, ସିନେମା ଘର ଓ ବିବାହ ମଣ୍ଡପ ବନ୍ଦ

Must read

ବେଙ୍ଗାଲୁର, ୧୪/୩ (ଏଜେନ୍ସି) : ଭାରତରେ ଏବେ କରୋନା କ୍ଷୀପ୍ର ଗତିରେ ନିଜର କାୟା ବିସ୍ତାର କରିବା ଆର ମ୍ଭ କରିଦେଇଛି । ଦିଲ୍ଳୀ ପରେ ଏବେ ଉତର ପ୍ରଦେଶ ଓ କର୍ଣ୍ଣାଟକରେ ମଧ୍ୟ କରୋନା ହେତୁ ଲୋକେ ସଂକ୍ରମିତ ହେବା ଖବର ସାମ୍ନାକୁ ଆସିଛି । କର୍ଣ୍ଣାଟକରେ ଏଯାବତ୍ ୬ଟି ନୂତନ କରୋନା ସଂକ୍ରମଣ କେସ୍ ଆସିଥିଲାବେଳେ ଜଣେ ମୃତୁ୍ୟବରଣ କରିଛନ୍ତି । ମୃତକଙ୍କ ସ ମ୍ପ ର୍କରେ ୩୧ ଜଣ ଲୋକ ଆସିବା ଜଣାପଡ଼ିବା ପରେ କର୍ଣ୍ଣାଟକ ସରକାର ଆକ୍ସନମୋଡ୍କୁ ଆସିଛନ୍ତି ଏବଂ ସତର୍କତାମୂଳକ ପଦକ୍ଷେପ ନେବାକୁ ଯାଇ ରାଜ୍ୟରେ ଥିବା ସମସ୍ତ ସପିଂମଲ୍, ଥିଏଟର,
ଏଥିସହିତ ଏକ ସ ପ୍ତାହ ପର୍ଯ୍ୟନ୍ତ ସମସ୍ତ ବିଶ୍ୱବିଦ୍ୟାଳୟକୁ ବନ୍ଦ ରଖିବା ଲାଗି ମୁଖ୍ୟମନ୍ତ୍ରୀ ବି.ଏସ୍.ୟେଦୁ୍ୟରପ୍ପା ଘୋଷଣା କରିଛନ୍ତି । ପ୍ରକାଶ୍ୟ ଯେ, କର୍ଣ୍ଣାଟକର କଲବୁର୍ଗୀ ଅଞ୍ଚଳର ଜଣେ ବାସିନ୍ଦା ୧ ମାସର ଧର୍ମଯାତ୍ରା ନିମନ୍ତେ ସାଉଦୀ ଆରବ ଯାଇଥିଲାବେଳେ ସେଠାୋର ସେ କରୋନା ସଂକ୍ରମିତ ହୋଇଥିଲେ । ତାଙ୍କୁ ତୁରନ୍ତ ଭାରତ ସରକାର ବିମାନ ଦ୍ୱାରା ସ୍ୱଦେଶ ନେଇ ଆସିଥିଲେ ଓ ତାଙ୍କୁ ଆଇସୋଲେସନ ୱାର୍ଡରେ ରଖାଯାଇଥିଲା । ସେଠାରେ ତାଙ୍କର ମୃତୁ୍ୟ ଘଟିଛି । ସେପଟେ ଉତର ପ୍ରଦେଶରେ ମଧ୍ୟ କରୋନାକୁ ଦୃଷ୍ଟିରେ ରଖି ସମସ୍ତ ସ୍କୁଲ-କଲେଜକୁ ଆସନ୍ତା ମାର୍ଚ୍ଚ ୨୨ ତାରିଖ ପର୍ଯ୍ୟନ୍ତ ବନ୍ଦ ରଖାଯାଇଛି ।

ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ରାଜ୍ୟର ସମସ୍ତ ୭୫ଟି ଜିଲ୍ଲାରେ କରୋନା ସଂକ୍ରମିତଙ୍କ ଚିକିତ୍ସା ନିମନ୍ତେ ଆଇସୋଲେସନ ୱାର୍ଡ ଖୋଲିଛନ୍ତି । ଏଥିରେ ପ୍ରାୟ ୮ଶହ ଶଯ୍ୟା କରୋନା ସଂକ୍ରମିତଙ୍କ ପାଇଁ ସଂରକ୍ଷିତ ରଖାଯାଇଥିଲାବେଳେ ରାଜ୍ୟରେ ଥିବା ୨୪ଟି ମେଡିକାଲ କଲେଜରେ ମଧ୍ୟ କରୋନା ସଂକ୍ରମିତଙ୍କ ଚିକିତ୍ସା ନିମନ୍ତେ ୪୪୮ଟି ଶଯ୍ୟାକୁ ସଂରକ୍ଷିତ ରଖାଯାଇଛି । ଏଥିପାଇଁ ଅନେକ ଡାକ୍ତରଙ୍କୁ ସ୍ୱତନ୍ତ୍ର ଭାବେ ତାଲିମ ଦିଆଯାଇଥିବା ଜଣାପଡ଼ିଛି । ସେହିଭଳି ଦିଲ୍ଳୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ମଧ୍ୟ ରାଜଧାନୀ ଦିଲ୍ଲୀରେ ସମସ୍ତ ସ୍କୁଲ-କଲେଜ ଓ ସିନେମା ଘରଗୁଡ଼ିକୁ ଆପାତତଃ ବନ୍ଦ ରଖିବାକୁ ଘୋଷଣା କରିଛନ୍ତି ଏବଂ ଦିଲ୍ଳୀରେ ଅନୁଷ୍ଠିତ ହେବାକୁ ଥିବା ଆଇପିଏଲ୍ ଲିଗ୍ର ମ୍ୟାଚ୍ଗୁଡ଼ିକୁ ମଧ୍ୟ ରଦ୍ଦ କରି ଦେଇଛନ୍ତି । ଏତଦ୍ବ୍ୟତୀତ ଆଇଆଇଟି ଦିଲ୍ଲୀ, ଦିିଲ୍ଲୀ ୟୁନିଭର୍ସିଟି ଓ ଜାମିୟାବିଶ୍ୱବିଦ୍ୟାଳୟ ମଧ୍ୟ ଆସନ୍ତା ମାର୍ଚ୍ଚ ୩୧ ତାରିଖ ପର୍ଯ୍ୟନ୍ତ ପାଠପଢ଼ା ସ୍ଥଗିତ ରଖିବାକୁ ଘୋଷଣା କରିଛନ୍ତି ।

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article