26 C
Bhubaneswar
Thursday, April 15, 2021

ଜ୍ୟୋତିରାଦିତ୍ୟ ହେବେ ବିଜେପିର ରାଜ୍ୟସଭା ପ୍ରାର୍ଥୀ

Must read

ନୂଆଦିଲ୍ଲୀ,୧୧ା୩: କଂଗ୍ରେସ ସହ ନିଜର ୧୮ ବର୍ଷର ପୁରୁଣା ସଂପର୍କକୁ ଛିନ୍ନ କରି ଆଜି ଅପରାହ୍ଣରେ ବିଜେପିରେ ଆନୁଷ୍ଠାନିକ ଭାବେ ଯୋଗ ଦେଇଥିବା ଜ୍ୟୋତିରାଦିତ୍ୟ ସିନ୍ଧିଆଙ୍କୁ ବିଜେପି ନିଜର ରାଜ୍ୟସଭା ପ୍ରାର୍ଥୀଭାବେ ସନ୍ଧ୍ୟାରେ ଘୋଷଣା କରିଛି । ମଧ୍ୟପ୍ରଦେଶର ପୂର୍ବତନ ବିଜେପି ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ଏହି ଘୋଷଣା କରିଛନ୍ତି । ଉଲ୍ଲେଖଯୋଗ୍ୟ ଆସନ୍ତା ୨୬ ତାରିଖରେ ହେବାକୁ ଥିବା ରାଜ୍ୟସଭା ନିର୍ବାଚନରେ ମଧ୍ୟପ୍ରଦେଶର ୩ଟି ଆସନ ପାଇଁ ନିର୍ବାଚନ ଅନୁଷ୍ଠିତ ହେବ ।

ମଧ୍ୟପ୍ରଦେଶରେ ବିଭିନ୍ନ ରାଜନୈତିକ ଦଳର ବିଧାୟକମାନଙ୍କର ସଂଖ୍ୟା ଯାହା ରହିଛି ସେଥିରେ ଉଭୟ ବିଜେପି ଓ କଂଗ୍ରେସ ପ୍ରଥମ ପସନ୍ଦ ଭୋଟ ଜରିଆରେ ନିଜର ଜଣେଜଣେ ପ୍ରାର୍ଥୀଙ୍କୁ ନିର୍ବାଚିତ କରାଇ ପାରିବା ବେଳେ ତୃତୀୟ ଆସନ ପାଇଁ ନିର୍ବାଚନ ହେବ । ୪୯ ବର୍ଷ ବୟସ୍କ ଜ୍ୟୋତିରାଦିତ୍ୟ ସିନ୍ଧିଆ ପୂର୍ବରୁ ୨୦୦୧ ମସିହା ଠାରୁ ମଧ୍ୟପ୍ରଦେଶର ଗୋନା ସଂସଦୀୟ କ୍ଷେତ୍ରରୁ ୪ ଥର ସାଂସଦ ରହି ସାରିଛନ୍ତ । ମଧ୍ୟପ୍ରଦେଶରେ କଂଗ୍ରେସକୁ ଶାସନ କ୍ଷମତାକୁ ଆଣିବାରେ ଜ୍ୟୋତିରାଦିତ୍ୟଙ୍କର ଗୁରୁତ୍ୱପୂର୍ଣ୍ଣ ଭୂମିକା ରହିଥିଲା ।

ତେବେ, କମଲନାଥ ମୁଖ୍ୟମନ୍ତ୍ରୀ ହେବାପରେ ଜ୍ୟୋତିରାଦିତ୍ୟଙ୍କ ପ୍ରତି ଅସହିଷ୍ଣୁ ହୋଇ ପଡ଼ିଥିଲେ । କଂଗ୍ରେସ ପ୍ରାର୍ଥୀରୂପେ ଜ୍ୟୋତିରାଦିତ୍ୟ ରାଜ୍ୟସଭାକୁ ମନୋନୀତ ହେବାକୁୂ ଲକ୍ଷ୍ୟ ରଖିଥିଲେ ମଧ୍ୟ ଏଥିରେ ବଡ଼ ପ୍ରତିବନ୍ଧକ ସାଜିଥିଲେ କମଲନାଥ । ଯେଉଁ କାରଣ ପାଇଁ ସେ କଂଗ୍ରେସ ଛାଡ଼ିବାକୁ ବାଧ୍ୟ ହୋଇଥିବା କୁହାଯାଉଛି ।

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article