23 C
Bhubaneswar
Tuesday, May 11, 2021

ଓଡିଶା ଜାତୀୟ ଖାଦ୍ୟ ସୁରକ୍ଷା ସୂଚୀର ୧୩ ନମ୍ବର ସ୍ଥାନରେ ରହିଛି ।

Must read

ଭୁବନେଶ୍ୱର,ତା,୧୮/୧୨; ୨୦୧୯-୨୦ ପାଇଁ ଓଡିଶା ଜାତୀୟ ଖାଦ୍ୟ ସୁରକ୍ଷା ସୂଚୀର ୧୩ ନମ୍ବର ସ୍ଥାନରେ ରହିଛି । ଏବାବଦରେ ରାଜ୍ୟସ୍ତରୀୟ ଖାଦ୍ୟସୁରକ୍ଷା ପରାମର୍ଶଦାତା କମିଟିର ବୈଠକରେ ଅଧ୍ୟକ୍ଷତା କରି ମୁଖ୍ୟ ଶାସନ ସଚିବ ଅସିତ ତ୍ରିପାଠୀ ଏହି ସୂଚନା ଦେଇଛନ୍ତି । ପୂର୍ବରୁ ଓଡିଶା ୨୬ ନମ୍ବର ସ୍ଥାନରେ ଥିଲା । ଖାଉଟି ଓ ବ୍ୟବସାୟୀଙ୍କ ମଧ୍ୟରେ ଖାଦ୍ୟ ସୁରକ୍ଷା ସଚେତନତା ବୃଦ୍ଧି ସହ ଯାଞ୍ଚ କଡ଼ାକଡ଼ି କରିବା, ଖାଦ୍ୟର ମାନ ପରୀକ୍ଷଣ ପାଇଁ ଅଧିକ ପରୀକ୍ଷାଗାର ସ୍ଥାପନକୁ ଗୁରୁତ୍ୱ ଦେଇଛନ୍ତି । ସହରରେ ଜନସଂଖ୍ୟା ବଢୁଥିବାରୁ ଖାଦ୍ୟ ସୁରକ୍ଷା ଉଭୟ ବ୍ୟକ୍ତିଗତ ଓଜନ ସ୍ୱାସ୍ଥ୍ୟ ଦୃଷ୍ଟିୁ ଗୁରୁତ୍ୱପୂର୍ଣ୍ଣ । ଖାଦ୍ୟ ଅପମିଶ୍ରଣ ରୋକିବା ପାଇଁ ରାଜ୍ୟ ପୁଲିସ ଅଭିଯାନ ଜୋରଦାର କରିବା ଦରକାର ।

ଏହାସହିତ ଖାଦ୍ୟ ସୁରକ୍ଷା ଅଧିକାରୀମାନେ ବାରମ୍ବାର ଫିଲ୍ଡ ଭିଜିଟ ଓ ତଦାରଖକୁ ଗୁରୁତ୍ୱ ଦେବାକୁ ନିର୍ଦେଶ ଦିଆଯାଇଛି ।ଖାଦ୍ୟ ପରୀକ୍ଷଣ ପରୀକ୍ଷାଗାର ଗୁଡିକର ଦକ୍ଷତା ବୃଦ୍ଧି ପାଇଁ ଜଣିକିଆ ବୈଷୟିକ କମିଟି ଗଢିବାକୁ ସ୍ୱାସ୍ଥ୍ୟଓ ପରିବାର କଲ୍ୟାଣ ବିଭାଗକୁ ନିର୍ଦେଶ ଦିଆଯାଇଛି । ଖାଦ୍ୟସୁରକ୍ଷାକୁ ବିଭିନ୍ନ ଶ୍ରେଣୀର ପାଠ୍ୟକ୍ରମରେ ଅନ୍ତର୍ଭୁକ୍ତ କରିବାକୁ ନିଷ୍ପତ୍ତି ହୋଇଛି । ମୋବାଇଲ ଆପ ମାଧ୍ୟମରେ ନିରୀକ୍ଷଣ କରିବାରେ ଓଡ଼ିଶା ଜାତୀୟ ସ୍ତରରେ ୫ନମ୍ବରରେ ରହିଛି ।ଏନଏବିଏଲର ଆବଶ୍ୟକତା ଅନୁଯାୟୀ ରାଜ୍ୟ ଖାଦ୍ୟ ପରୀକ୍ଷଣ ଲାବୋରେଟୋରିର ଦକ୍ଷତା ବୃଦ୍ଧି କରାଯାଇ ପଞ୍ଜିକରଣ ପାଇଁ ଆବେଦନ କରାଯାଇଛି ।

ରାଜସ୍ଵ ଆଦାୟ ବୃଦ୍ଧି ପାଇଁ ଅନଲାଇନରେ ପଞ୍ଜିକରଣ ଓ ବ୍ୟବସାୟ ପ୍ରତିଷ୍ଠାନର ଲାଇସେନ୍ସ ପ୍ରଦାନ ବ୍ୟବସ୍ଥା ଆରମ୍ଭହୋଇଛି ।୨୦୧୯-୨୦ରେ ୭.୭୦ କୋଟିଟଙ୍କା ରାଜସ୍ୱ ଆଦାୟ ହୋଇଥିବା ବେଳେ୨୦୧୮-୧୯ରେ ୨.୧୮ କୋଟି ଟଙ୍କାରାଜସ୍ୱ ଆଦାୟ ହୋଇଛି । ରାଜସ୍ୱ ଆଦାୟ ପରିମାଣ ୮୨ ପ୍ରତିଶତ ବୃଦ୍ଧି ପାଇଛି ବୋଲି ଖାଦ୍ୟ ସୁରକ୍ଷା କମିଶନର ଯାମିନୀ ଷଡ଼ଙ୍ଗୀ କହିଛନ୍ତି ।ପଞ୍ଜିକୃତ ଓ ଲାଇସେନ୍ସ ପ୍ରାପ୍ତ ଖାଦ୍ୟ ବିକ୍ରେତାଙ୍କ ସଂଖ୍ୟା ଗତ ଚାରି ବର୍ଷ ହେଲାବୃଦ୍ଧି ପାଇଛି । ୨୦୧୬-୧୭ରେରାଜ୍ୟରେ ୫୦୨୬ ପଞ୍ଜିକୃତ ଏଫବିଓ ଥିବାବେଳେ ୨୦୧୯-୨୦ରେ ଏହି ସଂଖ୍ୟା୫୭,୮୨୭ରେ ପହଞ୍ଚିଛି ।

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article