33 C
Bhubaneswar
Tuesday, May 11, 2021

ରାଜ୍ୟ ସରକାର ଅନେକ ସରକାରୀ ବସ୍ ଯୋଜନା ତିଆରି କରିଛନ୍ତି ।

Must read

ଭୁବନେଶ୍ୱର,ତା,୭/୧୨; ରାଜ୍ୟବାସୀଙ୍କୁ ସୁବିଧାରେ ବସ୍ ସେବା ଯୋଗାଇଦେବା ପାଇଁ ରାଜ୍ୟ ସରକାର ଅନେକ ସରକାରୀ ବସ୍ ଯୋଜନା ତିଆରି କରିଛନ୍ତି । କିନ୍ତୁ ସରକାରୀ ବସ୍ ମାଧ୍ୟମରେ ଯେ ରାଜ୍ୟ ବାସୀ କେତେ ଉପକୃତ ହେଉଛନ୍ତି ତାହା ସବୁ ରାଜ୍ୟ ବାସୀଙ୍କୁ ଜଣା । ସିଟି ବସ୍,ମୋ ବସ୍, ଓି୍ୱମେନ୍ ସ୍ପେଶାଲ ବସ୍ ବର୍ତମାନ ପର୍ଯ୍ୟନ୍ତ ବି ରାଜ୍ୟରେ ସବୁ ଜିଲ୍ଲାରେ ଗଡିପାରିନି । ଏଭଳି ସ୍ଥିତିରେ ରାଜ୍ୟ ସରକାର ପୁଣି ନୂଆ ଯୋଜନା କରିଛନ୍ତି । ରାଜ୍ୟର ସମସ୍ତ ଜିଲ୍ଲା ମୁଖ୍ୟ କାର୍ଯ୍ୟାଳୟରୁ ରାଜଧାନୀ ଭୁବନେଶ୍ୱରକୁ ସଂଯୋଗ କରିବାକୁ ଏସି ବସ୍ ସୁବିଧା ଯୋଗାଇ ଦିଆଯିବ ।

ବର୍ତମାନ ଘରୋଇ ବସ୍ ସେବାକୁ ଟକ୍କର ଦେବାକୁ ରାଜ୍ୟସଡ଼କ ପରିବହନ ନିଗମ ବା ଓ ଏସ୍ଆରଟିସି ତିଆରି କରିଛି ନୂଆ ବ୍ଳୁ ପ୍ରିଣ୍ଟ । ଏଣିକି ନୂଆରୁଟ୍ ରେ ନୂଆ ବସ୍ ଗଡିବ ।ଏଥିପାଇଁ ଓ ଏସ୍ଆରଟିସି ୧୭୦ଟି ନୂଆ ବସ୍ କିଣିବାକୁ ଯାଉଛି । ସବୁଠାରୁ ବଡ କଥା ହେଲା ଯେ ଏହା ମଧ୍ୟରେ ୧୦ଟି ଭଲ୍ଭୋ କିଣିବା ପାଇଁ ମଧ୍ୟ ଯୋଜନା ହୋଇଛି । ଯାହା ଫଳରେ ଏବେ ରାଜ ରାସ୍ତାରେ ସରକାରୀ ଭଲ୍ଭୋ ଗଡିବାକୁ ଯାଉଛି ।

ଓ ଏସ୍ଆରଟିସିର ବରିଷ୍ଠ ଅଧିକାରୀଙ୍କ ମତରେ ରାଜ୍ୟରେ ସରକାରୀ ବସ୍ ସେବାକୁ ବ୍ୟାପକ କରାଯିବା ସହିତ ନୂଆ ରୂପରେ ନୂଆ ବସ୍ ଗୁଡିକ ଗଡିବ ବୋଲି ଯୋଜନା ହୋଇଛି । ପ୍ରାୟ ୬୩ କୋଟିଟଙ୍କାର ବ୍ୟୟ ଅଟକଳରେ ଏହି ଯୋଜନା ପ୍ରସ୍ତୁତ କରାଯାଇଛି । ଆସନ୍ତା ବର୍ଷ ମେ ମାସସୁଦ୍ଧା ରାଜ୍ୟକୁ ୧୭୦ ଟି ନୂଆ ବସ୍ ଅଣାଯିବାର ଯୋଜନା ରହିଛି । ଏଥିପାଇଁ ସଏସ୍ଆରଟିସି ଓ ଅଶୋକ ଲେଲ୍ୟାଣ୍ଡ ମଧ୍ୟରେ ଚୁକ୍ତି ମଧ୍ୟ କରାଯାଇଛି । ତେବେ ରାଜଧାନୀକୁ ଓଡ଼ିଶାର ସବୁଜିଲ୍ଲା ସହିତ ସଂଯୋଗ କରାଯିବା ଯୋଜନା ରହିଥିବାରୁ ଏହି ବସ୍ ଗୁଡ଼ିକର ନାମ “ରାଜଧାନୀ’ ରଖାଯିବ ବୋଲି ସୂଚନା ରହିଛି ।

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article