35 C
Bhubaneswar
Sunday, May 9, 2021

ଜିଲ୍ଲାପାଳଙ୍କୁ ଜନଜାଗରଣ ମଞ୍ଚର ଫେରାଦ ।

Must read

ବାଲେଶ୍ୱର,ତା୫/୧୨ ;ବାଲେଶ୍ୱର ପୌରାଞ୍ଚଳରେ ଚାଲିଥିବା ସଂକ୍ଷିପ୍ତଭୋଟର ତାଲିକା ସଂଶୋଧନ କାର୍ଯ୍ୟରେ ପରିଲକ୍ଷିତ ବିଭିନ୍ନ ତ୍ରୁଟିକୁ ନେଇ ଜିଲ୍ଲାପାଳଙ୍କଠାରେ ଆଜି ଫେରାଦ ହୋଇଛି ଜିଲ୍ଲାର ଅନ୍ୟତମ ସ୍ୱେଚ୍ଛାସେବୀ ସଂଗଠନ ‘ଜନଜାଗରଣ ସମିତି’ । ପୌରାଞ୍ଚଳର ପ୍ରତ୍ୟେକ ବୁଥ୍ରେ ତଥା ବୁଥସ୍ତରୀୟ ଅଧିକାରୀ (ବିଇଓ) ଙ୍କଉପସ୍ଥିତିରେ ଏହି ସଂଶୋଧନ କାର୍ଯ୍ୟ ଚାଲିଥିବା ବେଳେ ଏଥିରେ ଥିବାଏକାଧିକ ତ୍ରୁଟିକୁ ନେଇ ସଂଗଠନର କର୍ମକର୍ତ୍ତାମାନେ ଜିଲ୍ଲା ପ୍ରଶାସନର ଦୃଷ୍ଟିଆକର୍ଷଣ କରିଛନ୍ତି । ବିଶେଷ କରି ୨୦୧୮-୧୯ ହୋଇଥିବା ସଂଶୋଧନର ଯୋଗ ତାଲିକା ନଥିବାଯୋଗୁଁ ଗତ ନିର୍ବାଚନରେ ବହୁ ଭୋଟର ମତଦାନରୁ ବଞ୍ଚିତ ହୋଇଥିବା ସେମାନେ କହିଛନ୍ତି ।

ଏମିତିକ ସେତେବେଳ ପଞ୍ଜୀକୃତ ନୂଆ ଭୋଟର, ଓ ସଂଶୋଧିତ ଭୋଟରଙ୍କ ନାମ ତାଲିକାରେ ସ୍ଥାନୀତ ହୋଇ ନଥିବା ବେଳେ ଭୋଟର ପରିଚୟପତ୍ର ବି ଏପର୍ଯ୍ୟନ୍ତ ଆସିନଥିବା ସଂଘ ପକ୍ଷରୁ ଆରୋପ ହୋଇଛି । ଏହାବ୍ୟତୀତ ଗୋଟିଏ ୱାର୍ଡ଼ରେ ତଥା ଗୋଟିଏପରିବାର ଏକାଧିକ ସଦସ୍ୟଙ୍କ ନାମ ବିଭିନ୍ନବୁଥ୍ ତାଲିକାରେ ରହିଛି ।ଏଥି ସହିତଦୀର୍ଘଦିନରୁ ମୃତୁ୍ୟ ବରଣ କରିଥିବା ଭୋଟରଙ୍କ ନାମ ତାଲିକାରୁ କଟି ନଥିବାବେଳେ କେତେକ ଭୋଟର ସରକାରଙ୍କ ଧାର୍ଯ୍ୟ ଅର୍ଥ ଦେଇ ତ୍ରୁଟି ସଂଶୋଧନ କରାଇଥିଲେ ବି ନୂତନ ତାଲିକାରେ ତାହା ସଂଶୋଧନ ହୋଇ ନଥିବା ଜନଜାଗରଣ ସମିତିର କର୍ମକର୍ତ୍ତାମାନେ କହିଛନ୍ତି ।ଏନେଇ ବୁଥ ଅଧିକାରୀଙ୍କୁ ଜଣାଇଲେବି ସେମାନେ ଏହାର ପ୍ରତିକାର ବାବଦରେ ସନ୍ତୋଷଜନକ ଉତ୍ତର ଦେଇପାରୁନାହାନ୍ତି ।

କମ୍ପୁ୍ୟଟରରେ ନାମ ଉଠାଉଥିବା ବ୍ୟକ୍ତିଙ୍କ ତ୍ରୁଟିପୂର୍ଣ୍ଣ କାର୍ଯ୍ୟଧାରା ଓ ବିଇଓଙ୍କ ଦାୟିତ୍ୱହୀନତା ଯୋଗୁଁ ଏପରି ସ୍ଥିତି ଉପୁଜୁଛି ବୋଲି ସଂଗଠନ ପକ୍ଷରୁ କୁହାଯାଇଛି ।ଏନେଇ ତୁରନ୍ତ ଉଚିତ ପଦକ୍ଷେପ ନେବାକୁ ସଂଗଠନର କର୍ମକର୍ତ୍ତାମାନେ ଦାବି କରିଛନ୍ତି । ଏହି ପରିପ୍ରେକ୍ଷୀରେ ସଂଗଠନ ପକ୍ଷରୁ ଏକ ଦାବିପତ୍ର ଜିଲ୍ଲାପାଳଙ୍କ ପ୍ରଦାନ କରାଯାଇଥିଲା ।ଦାବିପତ୍ର ପ୍ରଦାନ ବେଳେ ରଘୁନାଥଲେଙ୍କା, ଅନ୍ତର୍ଯ୍ୟାମୀ ପ୍ରଧାନ, ସନ୍ତୋଷକୁମାର ସାହୁ, ମହମ୍ମଦ ଇକବାଲ,ପୂର୍ଣ୍ଣଚନ୍ଦ୍ର ପାଢ଼ୀ, ବିଶ୍ୱଜିତ୍ ମହାପାତ୍ର,ପ୍ରମୋଦ ଖିଲାର ପ୍ରମୁଖ ଉପସ୍ଥିତ ଥିଲେ ।

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article