28.1 C
Bhubaneswar
Friday, July 30, 2021

ଅଭିନନ୍ଦନଙ୍କ ପରାକ୍ରମକୁ ମନେ ପକାଉଥିବ ପାକିସ୍ତାନ

Must read

ନୂଆଦିଲ୍ଲୀ, ୨୭/୨ (ଏଜେନ୍ସି) : ଗତ ୨୦୧୯ ଫେବୃୟାରୀ ୧୪ ତାରିଖରେ ପାକ୍ ସମର୍ଥôତ ଆତଙ୍କୀ ସଂଗଠନ ଜୈସ-ଇ-ମହମ୍ମଦର ଆତ୍ମଘାତୀ ହମ୍ଲାରେ ୪୦ ଜଣ ସିଆରପିଏଫ୍ ଜୱାନ ଶହୀଦ ହୋଇଥିଲେ । ଏହାର ପ୍ରତିଶୋଧ ନେବା ଲାଗି ଠିକ୍ ୧୨ ଦିନ ପରେ ଅର୍ଥାତ୍ ଫେବୃୟାରୀ ୨୬ ତାରିଖରେ ଭାରତୀୟ ବାୟୁସେନା ପାକିସ୍ତାନର ପଖତନଖ୍ୱାର ବାଲାକୋଟସ୍ଥିତ ଜୈସର ଶିବିରଗୁଡ଼ିକ ଉପରେ ଏୟାର ଷ୍ଟ୍ରାଇକ୍ କରି ସେଗୁଡ଼ିକୁ ଧ୍ୱଂସ କରିବା ସହ ପ୍ରାୟ ୩ଶହ ଆତଙ୍କୀଙ୍କୁ ନିପାତ କରିଥିଲା । ତେବେ ଏହାର ପରଦିନ ଅର୍ଥାତ୍ ଫେବୃୟାରୀ ୨୭ ତାରିଖରେ ପାକ୍ ବାୟୁସେନା ପକ୍ଷରୁ ପାଲଟା ଆକ୍ରମଣ କରାଯାଇଥିଲା ।

ପାକିସ୍ତାନୀ ବାୟୁସେନା ଆମେରିକା ପ୍ରଦତ ଏଫ୍-୧୬ ଯୁଦ୍ଧବିମାନ ଯୋଗେ ଭାରତୀୟ ବାୟୁସୀମାକୁ ଅତିକ୍ରମଣ କରି ନୌସେରାସ୍ଥିତ ଭାରତୀୟ ସେନା ଶିବିର ଓ ଗୋାଳାଭଣ୍ଡାର ଉପରେ ଆକ୍ରମଣ କରିବାକୁ ଚେଷ୍ଟା କରିଥିଲା । ମାତ୍ର ପୂର୍ବର ସଜାଗ ରହିଥିବା ଭାରତୀୟ ବାୟୁସେନାର ମିଗ୍-୨୧ ବାଇସନ, ସୁଖୋଇ-୩୦ ଓ ମିରାଜ-୨୦୦୦ ବିମାନଗୁଡ଼ିକ ପାକ୍ ବାୟୁସେନାର ଏହି ଆକ୍ରମଣ ଉଦ୍ୟମକୁ ବ୍ୟର୍ଥ କରିଦେବା ସହ ସେଗୁଡ଼ିକୁ ଘଉଡ଼ାଇ ଦେଇଥିଲେ । ୱିଙ୍ଗ କମାଣ୍ଡର ଅଭିନନ୍ଦନ ବର୍ଦ୍ଧମାନ ତାଙ୍କର ମିଗ୍-୨୧ ବାଇସନ ବିମାନ ଦ୍ୱାରା ପାକିସ୍ତାନର ଏକ ଏଫ୍-୧୬ ବିମାନକୁ ପିଓକେ ପର୍ଯ୍ୟନ୍ତ ଗୋଡ଼ାଇ ଗୋଡ଼ାଇ ତାକୁ ମିସାଇଲ ମାରି ଖସାଇ ଦେଇଥିଲେ । ଅବଶ୍ୟ ଏହି ସମୟରେ ପାକ୍ ସେନାର ଆଂଟି ଏୟାକ୍ରାଫ୍ଟ୍ ଗନ୍ର ମାଡରେ ତାଙ୍କୁ ବିମାନ ମଧ୍ୟ ତଳକୁ ଖସିଯାଇଥିଲା ।

ଅଭିନନ୍ଦନଙ୍କ ଅସାଧାରଣ ପରାକ୍ରମ ହେତୁ ପାକିସ୍ତାନର ଏଫ୍-୧୬ ବିମାନ ଧ୍ୱଂସ ପାଇବା ସହ ତା’ର ପାଇଲଟ ନିହତ ହୋଇଥିଲେ । ୱିଙ୍ଗ କମାଣ୍ଡର ଅଭିନନ୍ଦନଙ୍କୁ ପାକ୍ ସେନା ବନ୍ଦୀ କରି ରଖିଥିଲା । ଏହି ସମୟରେ ତାଙ୍କୁ ଅକଥନୀୟ ମାନସିକ ଓ ଶାରିରୀକ ଯାତନା ମଧ୍ୟ ଦିଆଯାଇଥିଲା । ହେଲେ ପର୍ବତ ଭଳି ଅଟଳ ଅଭିନନ୍ଦନ ଏସବୁ କୁ ଚୁପ୍ଚାପ୍ ସହି ନେଇ ପଦୁଟିଏ ବି ନିଜ ଦେଶର ପ୍ରତିରକ୍ଷା ବା ସ୍କ୍ୱାର୍ଡନ ବିଷୟରେ କହିନଥିଲେ । ଅନ୍ୟପଟେ କେନ୍ଦ୍ରର ମୋଦି ସରକାରଙ୍କ ବିଚକ୍ଷଣ କୂଟନୀତି ଓ ରଣନୀତି ଆଗରେ ପାକିସ୍ତାନ ମୁଣ୍ଡନୁଆଇଁଥିଲା ଏବଂ ଫେବୃୟାରୀ ୨୯ ତାରିଖ ସୁଦ୍ଧା ଓିଙ୍ଗ କମାଣ୍ଡର ଅଭିନନ୍ଦନଙ୍କୁ ସସମ୍ମାନେ ୱାଘା ବର୍ଡରରେ ଭାରତୀୟ ସେନାକୁ ହସ୍ତାନ୍ତର କରିଥିଲା । ତେବେ ଅସାଧାରଣ ପରାକ୍ରମ ପ୍ରଦର୍ଶନ କରିଥିବା ୱିଙ୍ଗ କମାଣ୍ଡର ଅଭିନନ୍ଦନଙ୍କୁ ମର୍ଯ୍ୟାଦାଜନକ ବୀର ଚକ୍ରରେ ସମ୍ମାନୀତି କରାଯିବା ସହ ତାଙ୍କର ୫୧ତମ ସ୍କ୍ୱାର୍ଡନକୁ ମଧ୍ୟ ସମ୍ମାନୀତ କରାଯାଇଛି ।

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article