28.1 C
Bhubaneswar
Friday, July 30, 2021

ରାଜଧାନୀରେ ଶିଶୁପୁତ୍ର ବିକ୍ରି!

Must read

ଭୁବନେଶ୍ୱର,୨୭ା୨(ନି.ପ୍ର): କିଛିଦିନ ତଳେ ଓଡ଼ିଶାର ବିଭିନ୍ନ ସ୍ଥାନରେ ଶିଶୁ ବିକ୍ରି ହେବା ଘଟଣା ସାମ୍ନାକୁ ଆସିଥିଲା । ଶିଶୁ ବିକ୍ରି ଘଟଣାକୁ ରୋକିବା ପାଇଁ ସରକାରଙ୍କ ପକ୍ଷରୁ ବିଭିନ୍ନ ପ୍ରକାର ପଦକ୍ଷେପମାନ ଗ୍ରହଣ କରାଯାଇଥିଲା । ଏହା ସତ୍ୱେ ରାଜଧାନୀ ଭୁବନେଶ୍ୱରରୁ ଏମିତି ଏକ ଖବର ସାମ୍ନାକୁ ଆସିଛି । ରାଜଧାନୀରେ ଏକ ଦମ୍ପତି ନିଜର ୧୯ଦିନର ଶିଶୁ ପୁତ୍ରକୁ ୧୦,୦୦୦ଟଙ୍କାରେ ବିକ୍ରି କରି ଦେଇଥିବା ଖଣ୍ଡଗିରି ଥାନାରେ ଅଭିଯୋଗ ହୋଇଛି । ଅଭିଯୋଗ ହୋଇଛି , ଭୁବନେଶ୍ୱରର ଉପାନ୍ତରେ ଥିବା ଭାରତପୁର ଅଂଚଳରେ ଏକ ଦମ୍ପତି ନିଜର ପଞ୍ଚମ ସନ୍ତାନକୁ ୧୦ ହଜାର ଟଙ୍କାରେ ବିକ୍ରି କରି ଦେଇଛି ।

ଏ ନେଇ କୋର୍ଟ ପେପରରେ ଲେଖାପା ହୋଇଥିବା ଜଣାପଡ଼ିଛି । ତେବେ ୧୯ଦିନର ଶିଶୁ ପୁତ୍ରକୁ ତାର ପିତା-ମାତା ବିକ୍ରି କରି ଦେଇଥିବା ଘଟଣା ସଂପର୍କରେ ଶିଶୁ କଲ୍ୟାଣ ସମିତି (ସିଡବ୍ଲୁସି) ଅବଗତ ହେବା ପରେ ଏ ବିଷୟରେ ଖଣ୍ଡଗିରି ପୁଲିସକୁ ସୂଚିତ କରିଥିଲେ । ଖବର ପାଇ ଖଣ୍ଡଗିରି ପୁଲିସ ଉକ୍ତ ଶିଶୁ ପୁତ୍ରକୁ ଉଦ୍ଧାର କରିବା ଲାଗି ଉଦ୍ୟମ ଆର ମ୍ଭ କରିଛି । ସୂଚନାଅନୁସାରେ, ଭରତପୁରରେ ରହୁଥିବା ନୀଲୁ ଦାସଙ୍କ ଦ୍ୱିତୀୟ ସ୍ତ୍ରୀ ନିବି ଦାସ ତାଙ୍କର ୧୯ଦିନର ଶିଶୁପୁତ୍ରକୁ ପ୍ରଲୋଭନର ଶିକାର ହୋଇ ବିକ୍ରି କରି ଦେଇଛନ୍ତି ।

ଦିନ ମଜୁରିଆ ଭାବେ କାମ କରୁଥିବା ନୀଲୁ ଦାସ ଘରେ ନଥିବା ବେଳେ ଜଣେ ବ୍ୟକ୍ତି ନିବି ଦାସଙ୍କୁତୁମ ସ୍ୱାମୀଙ୍କୁ କୁକୁଡ଼ା ଫାର୍ମରେ ·କିରି କରାଇଦେବି କହି କିଛି ଟଙ୍କା ଦେଇ ପୁଅକୁ ବିକ୍ରି କରିବାକୁ ପ୍ରବର୍ତାଇ ଥିଲା ।ସ୍ୱାମୀର ·କିରି ଓ ଅର୍ଥ ପ୍ରଲୋ ଭନରେପଡ଼ି ନିବି ଦାସ ନିଜର ଶିଶୁପୁତ୍ରକୁ ବିକ୍ରିକରି ଦେଇଥିବା ପୁଲିସ ସୂତ୍ରରୁ ସୂଚନାମିଳିଛି । ବର୍ତମାନ ଦମ୍ପତିଙ୍କୁ ସାଙ୍ଗରେ ଧରି ଶିଶୁପୁତ୍ରକୁ କିଣି ଥିବା ବ୍ୟକ୍ତିକୁ ଧରିବା ଲାଗି ଖୋଜାଖାଜି ଆର ମ୍ଭ କରିଛି ପୁଲିସ । ଏହି
ଦମ୍ପତିଙ୍କ ଘର ଗଞ୍ଜାମ ଜିଲ୍ଲାର ଦିଗପହଣ୍ଡିର ବୋଲି ଜଣାପଡ଼ିଛି ।

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article