28.1 C
Bhubaneswar
Friday, July 30, 2021

ଆନ୍ତର୍ଜାତୀୟ ମାତୃଭାଷା ଦିବସ

Must read

ବାଲେଶ୍ୱର,୨୩ା୨(ନି.ପ୍ର): ଫେବୃଆରୀ ୨୧ ତାରିଖକୁ ସମଗ୍ର ବିଶ୍ୱରେ ଆନ୍ତର୍ଜାତୀୟ ମାତୃଭାଷା ଦିବସ ଭାବେ ପାଳନ କରାଯାଥିବା ବେଳେ ବାଲେଶ୍ୱରରେ ଫକୀରମୋହନ ସାହିତ୍ୟ ପରିଷଦ ଓ ଓଡ଼ିଆ ଭାଷା ବିକାଶ ଆନେ୍ଦାଳନର ମିଳିତ ଆନୁକୁଲ୍ୟରେ ବିଶେଷ କାର୍ଯ୍ୟକ୍ରମ ଅନୁଷ୍ଠିତ
ହୋଇଯାଇଛି । କବିତୀର୍ଥ ଶାନ୍ତିକାନନଠାରେ ଆୟୋଜିତ ଏହି ଉତ୍ସବରେ ‘ଓଡ଼ିଆ ଭାଷା ବିକାଶ ଆନେ୍ଦାଳନ’ର ଅଧ୍ୟକ୍ଷ ତଥା ବିଶିଷ୍ଟ ବ୍ୟଙ୍ଗକାର ଡକ୍ଟର ଲକ୍ଷ୍ମୀକାନ୍ତ ତ୍ରିପାଠୀ ପୌରୋହିତ୍ୟ କରିଥିଲେ । ‘ଫକୀରମୋହନ ସାହିତ୍ୟ ପରିଷଦ’ର ସଭାପତି ଡକ୍ଟର ଶିରୀଶ ଚନ୍ଦ୍ର ଜେନା ଏଥିରେ ଯୋଗଦେଇ ୨୦୦୦ ମସିହାରୁ ବାଲେଶ୍ୱରରେ ପାଳିତ ହୋଇ ଆସୁଥିବା ଆନ୍ତର୍ଜାତୀୟ ଭାଷା ଦିବସର ସମ୍ପୂର୍ଣ୍ଣ ଇତିହାସ ଉପସ୍ଥାପନ ସହ ଭାଷାଭତିକ ରାଷ୍ଟ୍ରଭାବେ ପ୍ରଥମେ ସୃଷ୍ଟି ହୋଇଥିବା ବାଙ୍ଗଲାଦେଶର ମାନ୍ୟତା ପ୍ରସଙ୍ଗରେ ସୂଚନା ଦେଇଥିଲେ ।

ଓଡ଼ିଶା ସାହିତ୍ୟ ଏକାଡେମୀର ପୂର୍ବତନ ସଦସ୍ୟ ଡକ୍ଟର ଭାଗବତ ପ୍ରସାଦ ଦାସ, ବରିଷ୍ଠ ସାରସ୍ୱତ ସାଧକ ଡକ୍ଟର ପ୍ରହ୍ଲାଦ ଚରଣ ମହାନ୍ତି, ବରିଷ୍ଠ ଗବେଷକ ଡକ୍ଟର ରମାକାନ୍ତ ବେହେରା ଓ ପ୍ରତିଷ୍ଠିତ ଭେଷଜ ବିଶେଷଜ୍ଞ ତଥା କଥାକାର ଡାକ୍ତର ଚୋ÷ଧୁରୀ ସତ୍ୟବ୍ରତ ନନ୍ଦ ନିଜ ନିଜର ବକ୍ତବ୍ୟରେ ମାତୃଭାଷାର ସମୃଦ୍ଧି ଗୋଟିଏ ଜାତିକୁ ରୁଦ୍ଧିମନ୍ତ କରିଥାଏ ବୋଲି ମତପ୍ରକାଶ କରିଥିଲେ । ଓଡ଼ିଆ ଭାଷାର ପ୍ରାଚିନତା ସମ୍ପର୍କରେ ବକ୍ତାମାନେ ଆଲୋକପାତ ସହ ପ୍ରାୟୋଗିକ କ୍ଷେତ୍ରରେ ଥିବା ତ୍ରୁଟି ସୁଧାର ଉପରେ ଗୁରୁତ୍ୱାରୋପ କରିଥିଲେ । ଏହି ଅବସରରେ ଶିଶୁଛାତ୍ର ସାଇକୃଷ୍ଣା ମାତୃଭାଷା ସମ୍ପର୍କିତ ଗୀତ ଗାଇ ସମସ୍ତଙ୍କୁ ମନ୍ତ୍ରମୁଗ୍ଧ କରିଥିଲେ । ସେହିିଭଳି ଫକୀର ମୋହନଙ୍କର ‘ମୋ ଜୀବନ ସାରଧନ’ ଓ ‘ଭାଷା ହିଁ ଜୀବନୀଶକ୍ତି ଜାତିମାନଙ୍କର’ ଗୀତଦ୍ୱୟକୁ ଛାତ୍ରୀ ଶ୍ୱେତାଲିଶା ପ୍ରିୟଦର୍ଶିନୀ ଓ କଲ୍ୟାଣୀ ନନ୍ଦ ଗାନ କରିଥିବା ବେଳେ ବିମଳ ଜେନାଙ୍କର ‘ଅ ଠାରୁ କ୍ଷ ସବୁ ଅକ୍ଷର’ ଗୀତଟିକୁ ସୁଚିତ୍ରା ସାହୁ ପରିବେଷଣ କରିଥିଲେ ।

ଡକ୍ଟର ସାରଙ୍ଗଧର ତ୍ରିପାଠୀ ଅତିଥିମାନଙ୍କୁ ମଞ୍ଚ ଆମନ୍ତ୍ରଣ କରିଥିବା ବେଳେ ନିବାରଣ ଜେନା ଏହି କାର୍ଯ୍ୟକ୍ରମରେ ସ୍ୱାଗତ ଅଭିଭାଷଣ ପ୍ରଦାନ କରିଥିଲେ । କବି ଦୀପକ ବୋଷ ଧନ୍ୟବାଦ ଅର୍ପଣ କରିଥିଲେ । ଅନ୍ୟମାନଙ୍କ ମଧ୍ୟରେ ଡକ୍ଟର ହରିଶ୍ଚନ୍ଦ୍ର ବେହେରା, ଡକ୍ଟର କ୍ଷିତୀଶ୍ୱର ଦାସ, ଦୀନବନ୍ଧୁ ଲେଙ୍କା, ପ୍ରଦୀପ ଚା.ଟ୍ଟାର୍ଜୀ, ତପନ ରାୟ, ଅରୁଣା ରାୟ, ସୁବ୍ରତା ମହାନ୍ତି, ଦେବାଶିଷ ସିଂହ, ତୃ ପ୍ତିରାଣୀ ପାତ୍ର,ଶରତ କୁମାର ମହାପାତ୍ର, ଶଶିରଞ୍ଜନ ମଲ୍ଲିକ, ଅବନ୍ତୀ ପ୍ରଧାନ,ଜ୍ୟୋତ୍ସ୍ନା ରାୟ ମହାପାତ୍ର,ସଞ୍ଜୟ କୁମାର ପଣ୍ଡା, ବିଜୟ କୁମାର ମହାନ୍ତି, କମଳାକାନ୍ତ ଦାଶ, ପଦ୍ମଲୋଚନ ଦତ, ଦେବେନ୍ଦ୍ର ଦାସ, ଡକ୍ଟର ହେମମାଳା ଦାଶ, ନୃସିଂହ ଚରଣ ନାୟକ, ପ୍ରଭାକର ସାହୁ, ଜୁମରନାଥ ପାତ୍ର, ପୀତା ମ୍ବର ଦାସ, ପ୍ରୀତିଲେଖା ଦାସ, ବିଦ୍ୟାଧର ସାହୁ, ସୁଧାକର ସେଠୀ, ବାସନ୍ତୀ କର, ଅନସୂୟା ନାୟକ, ଚତରଞ୍ଜନ ରାଉତ, ପ୍ରତିମା ପଣ୍ଡା, ଶ୍ରୀରୂପା ମଞ୍ଜରୀ ସେନ୍, ଜୟନ୍ତୀ ରଣା, ଡକ୍ଟର ରତ୍ନାକର ସିଂହ ପ୍ରମୁଖ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article