28.1 C
Bhubaneswar
Friday, July 30, 2021

ଦିନକରେ ନେଲା ୪ ଜୀବନ

Must read

ପିପିଲି/ବଳଙ୍ଗା,୨୩ା୨(ନି.ପ୍ର): ମାତିଛି ନରହନ୍ତା ଦନ୍ତା । ଗୋଟିଏ ଦିନରେ ନେଇଛି ୪ ଜୀବନ । ଅନ୍ୟ ଦଶ ଜଣଙ୍କୁ ଆକ୍ରମଣ କରିଛି । ସେମାନଙ୍କ ମଧ୍ୟରୁ ୫ ଜଣ ଗୁରୁତର ଥିବା ଜଣାପଡିଛି । ସେପଟେ ବନ ବିଭାଗ ଓ ପୋଲିସ ମିଳିତ ଭାବରେ ହାତୀକୁ ନିୟନ୍ତ୍ରଣ କରିବା ଲାଗି ଉଦ୍ୟମ ଜାରି ରଖିଥିଲେ
ମଧ୍ୟ ଘଉଡାଇବାରେ ଫେଲ ମାରିଛନ୍ତି । ଅନ୍ୟପଟେ ବନ ବିଭାଗର ଖାମଖିଅୟଲ ନିତୀ ଯୋଗୁଁ ୪ ନିରୀହଙ୍କ ଜିବନ ଗଲା ବୋଲି ପୁରୀ ଜିଲ୍ଲା ବିଜେପି ଅଧକ୍ଷ ଅଭିଯୋଗ କରିଥିବା ବେଳେ ହାତୀକୁ ନିୟନ୍ତ୍ରଣ ପାଇଁ ଉଦ୍ୟମ ଜାରି ରହିଛି । ସୂଚନା ଅନୁଯାୟୀ ପିପିଲି ବ୍ଲକ ଅଧିନସ୍ଥ ସଂପୁର ଓ ଚନ୍ଦ୍ରାଦେଇପୁର ପଂଚାୟତରେ ରବିବାର ଦିନ ଭୋର ସମୟରେ ଏକ ଦନ୍ତା ହାତୀ ପଶି ଆତଙ୍କରାଜ ସୃଷ୍ଟି କରି ୪ଜଣଙ୍କ ଜୀବନ ନେଇଛି । ହାତୀଟି ୨ଦିନତଳୁ ଡେଲାଙ୍ଗରେ ସାଧରଣ ଲୋକମାନଙ୍କୁ ଭୟଭିତ କରି ରଖିଥିବା ବେଳେ ବନ ବିଭାଗ ଓ ଜିଲ୍ଲା ପ୍ରଶାସନ ହାତୀ ଘଉଡାଇବାରେ ଅବହେଳା କରିଥିବା ସାଧରଣ ଲୋକେ ଅଭିଯୋଗ କରିଛନ୍ତି । ହାତୀଟି ଡେଲାଙ୍ଗ ଅଂଚଳ ଦେଇ ପିପିଲିକୁ ଆସିଥିବା ଜଣାପଡିଛି । ହାତୀ ଆକ୍ରମଣରେ ମୃତୁ୍ୟ ସଂଖ୍ୟା ୪ ହୋଇଥିବା ବେଳେ ମିଳିଥିବା ସୁଚନାମୁତାବକ ହାତୀଟି ବଳଙ୍ଗା ଥାନା ଅଧିନରେ୨ଜଣ ଓ ପିପିଲି ଥାନା ଅଧିନରେ ୨ଜଣ ଲୋକଙ୍କୁ ଦଳି ମାରିଦେଇଛି । ସେହିପରି ହାତୀ ଆକ୍ରମଣରେ ୧୦ଜଣ ଆହତ ହୋଇ ମେଡିକାଲରେ ଚିକିତ୍ସିତ ହୋଇଛନ୍ତି । ଆଜି ସକାଳେ ଶୈାଚ ହେବାକୁ ପୋଖରୀକୁ ଯାଇଥିବା ସମୟରେ ପୁରୀ ଜିଲ୍ଲା ନିମାପଡା ବ୍ଲକ ବଳଙ୍ଗା ଥାନା ଅନ୍ତର୍ଗତ ଗୋପିନାଥ ପୁର ପଞ୍ଚାୟତର ଯୁଗଳ କିଶୋର ଭଟ୍ଟଙ୍କୁ ହାତୀ ଆକ୍ରମଣ କରି ମାରି ଦେଇଥିବା ବେଳେ ବୁଦ୍ଧିବାମନ ପୁଷ୍ଟି ଓ ହାଡିବନ୍ଧୁ ସାହୁ ହାତୀ ଆକ୍ରମଣରେ ଗୁରୁତର ଅବସ୍ଥାରେ ଭୁବନେଶ୍ୱରରେ ଚିକିତ୍ସିତ ହେଉଛନ୍ତ । ପରେ ହାତୀ ଚନ୍ଦ୍ରାଦେଇପୁର ମାଟିଘର ସାହି ଗ୍ରାମର ମକରା ପଲାଇଙ୍କୁ ·ଷ ଜମିରେ ଆକ୍ରମଣ କରି କ·ଡି ମାରି ଦେବା ପରେ ପିପିଲି ସଂପୁର ପଞ୍ଚାୟତ ରାଜତଇ ଗ୍ରାମର ଚୈତନ ସାହୁଙ୍କୁ ଶୈାଚ ହେବା ସମୟରେ ମାରି ଦେଇଥିଲା । ସେହିପରି ଦୂର୍ଗାଦାସପୁର ପଞ୍ଚାୟତ ଜମାଲପୁର ଗ୍ରାମର ଅଜୟ କୁମାର ନାୟକ(୩୦) ମାତ୍ର କିଛି ଘଣ୍ଟା ବ୍ୟବଧାନରେ ଦନ୍ତା ହାତୀ ଆକ୍ରମଣର ଶୀକାର ହୋଇଥିଲେ । ଘଟଣାସ୍ଥଳରେ ଖୋର୍ଦ୍ଧା ଡିଏଫଓ ବାଲିପାଟଣା ରେଞ୍ଜର ବାଳକାଟି ଡେଲାଙ୍ଗ ଓ କଣାସରୁ ଫରେଷ୍ଟର ନିୟୋଜିତ ହୋଇ ହାତୀର ଗତିବିଧିକୁ ନଜର କରିବା ସହିତ ଜଙ୍ଗଲକୁ ଛାଡିବା ପାଇଁ ସମସ୍ତ ପ୍ରକାରର ଉଦ୍ୟମ ଜାରି ରଖିଥିବା ବିଭାଗୀୟ ଅଧିକାରୀ ଶ୍ରୀ ଦାସ ସୁଚନା ଦେଇଛନ୍ତି । ଅନ୍ୟପଟେ ବନ ବିଭାଗ ପାଇଁ ୪ଜଣଙ୍କର ମୃତୁ୍ୟ ହୋଇଥିବା ସାଧାରଣରେ ଆଲୋଚନା ହେଉଛି । ପ୍ରଥମେ ଡେଲାଙ୍ଗ ଅଂଚଳରୁ ହାତୀର ଗତିବିଧିକୁ ନଜର କରି ବନ ବିଭାଗ ଲୋକମାନଙ୍କୁ ସଚେତନ କରାଇଥିଲେଏହି ଘଟଣା ଘଟିନଥାନ୍ତା ବୋଲି ସାଧାରଣରେ ଚର୍ଚ୍ଚା ଜୋର ଧରିଛି । ହାତୀ ଘଉଡାଇବା କାମ ଜାରି ରହିଛି । କେତେକ ଅଞ୍ଚଳରେ ବିଦୁ୍ୟତ କାଟି ଦିଆଯାଇଛି । ଅନ୍ଧାର ହେଲେ ଘଉଡାଇବା କାମ ଠିକ୍ରେ ହୋଇ ପାରିବ ବୋଲି ଡ଼ିଏଫଓ ସୂଚନା ଦେଇଛନ୍ତି

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article