28.1 C
Bhubaneswar
Friday, July 30, 2021

ଏନ୍କାଉଣ୍ଟରରେ ଟଳିଲେ ୨ ଆତଙ୍କୀ

Must read

ଶ୍ରୀନଗର, ୩୦/୬ : ଗୋଟିଏ ପଟେ ଲଦାଖରେ ଚୀନ ସେନା ସହିତ ଭାରତୀୟ ସେନା ମୁହାଁମୁହିଁ ପରିସ୍ଥିତିରେ ଥିଲାବେଳେ ଜମ୍ମୁ- କାଶ୍ମୀରରୁ ଆତଙ୍କମୁକ୍ତ କରିବା ଲାଗି ସେନା ପକ୍ଷରୁ ଗତ ୨୦୧୯େ ଆରମ୍ଭ କରାଯାଇଥିବା ‘ଅପରେସନ ଅଲ୍ଆଉଟ୍’କୁ ଆହୁରି ଜୋରଦାର କରାଯାଇଛି । ଏହି ମର୍ମରେ ମଙ୍ଗଳବାର ଜାମ୍ମୁ ଓ କାଶ୍ମୀରରେ ସୁରକ୍ଷାକର୍ମୀଙ୍କୁ ମିଳିଛି ପୁଣି ଏକ ସଫଳତା । ମଙ୍ଗଳବାର ଅନନ୍ତନାଗରେ ହୋଇଥିବା ଏନ୍କାଉଣ୍ଟରରେ ୨ ଜଣ ଆତଙ୍କବାଦୀ ନିହତ ହୋଇଛନ୍ତି । ସେନା ସୂତ୍ରରୁ ପ୍ରକାଶ ଯେ, ଦକ୍ଷିଣ କାଶ୍ମୀର ଅନ୍ତର୍ଗତ ଅନନ୍ତନାଗର ୱାଗମା ଗ୍ରାମରେ କେତେକ ଆତଙ୍କବାଦୀ ଆତ୍ମଗୋପନ କରିଥିବା ନେଇ ସୂଚନା ମିଳିଥିଲା । ଉକ୍ତ ସୂଚନାକୁ ଆଧାର କରି ସେନା ଓ ଅର୍ଦ୍ଧସାମରିକ ବାହିନୀର ଜୱାନମାନେ ଉକ୍ତ ଅଞ୍ଚଳର ଘେରାବନ୍ଦୀ ସହିତ କୁମ୍ବିଂଅପରେସନ ଆରମ୍ଭ କରିଦେଇଥିଲେ । ଏହି ଏନ୍କାଉଣ୍ଟରରେ ୨ ଜଣ ଆତଙ୍କବାଦୀ ନିପାତ ହୋଇôଥଲାବେଳେ ଜାହିଦ ଡାସ ନାମକ ଜଣେ ଆତଙ୍କବାଦୀ ଖସିପଳାଇଛି । ଖସି ପଳାଇଥିବା ଜାହିଦ ଡାସ ଗତ ସପ୍ତାହରେ ଆତଙ୍କୀ ହମ୍ଲା କରିଥିଲା ଏବଂ ଏଥିରେ ଜଣେ ସିଆର୍ପିଏଫ୍ ଜୱାନ ଶହୀଦ ହୋଇଥିଲେ । ସେପଟେ ଆକ୍ରମଣ ପରେ ପୋଲିସ ଆତଙ୍କବାଦୀ ଜାହିଦର ଏକ ଫଟୋ ପ୍ରକାଶ କରିଛି । ଆତଙ୍କବାଦୀ ଇସଲାମିକ୍ ଷ୍ଟେଟ୍ (ଆଇଏସ୍ଆଇଏସ୍) ସହିତ ସମ୍ପୃକ୍ତ ଥିବା ସେନା ସୂତ୍ରରୁ ପ୍ରକାଶ ।

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article